أسوأ ما عرض على شاشة التليفيزيون المصري في عصور ما قبل الدش
Submitted by mostafa on Sat, 2007-10-27 16:55
أنا في أجازة الصيف أو نهاية الأسبوع متيّس نصف صاحي نصف عريان على الكنبة وفاتح التليفيزيون على القناة الثانية أو الأولى.
تعاسة نمرة واحد!
المهم أن البرامج و الاعلانات و الأغاني تحولت الى ذكريات. و مش أي ذكريات دي ذكريات الطفولة !!
اليوم المفتوح، تاكسي السهرة، أخترنا لك، العالم يغني و الخ.
أنا بتكلم عن الثمانينات و التسعينيات. قبل كده الكون كان بيجهز نفسه علشان يستقبلني.
التدونة دي الهدف منها أني أحذر اناس من أنهم لازم يتخلوا عن تلك الذكريات و الحنين اليها لأنها مليئة بالزبالة الى حد كبير.
ولأن الزبالة بتكون في مقالب القمامة أو على رصيف البيت أيهما على مزاج الزبال.
مفيش أحسن من مقلب النفايات YouTube علشان تنقب عنها.
و كأي curator يتمتع بأحساس عالي حاولت التنقيب عن أسوأ ما عرض على التليفيزيون المصري و في نفس الوقت تستمتع به.
الفيديو القادم سيعرض لك المفاجئات.
Tags:
- 2655 reads
Comments
اوقات كتير بحاول افهم ازاى الناس فى التمانينيات كانت عايشة مع الملوخية كيعنى مثلا
eye shadow!
ولا بلاش....
تسريحة الاسد او على حد تعبير آخر الفروة الكنيش!
ولا اللبس ابو فيونكات ع الجانبين زى الجرادل...
اما بالنسبة للشكل الرجالى بقى فحدث ولا حرج.. شعر محمد نجم.. وسوالف نازلة على تمانية زى البنطالونات الشرلستون
منخفض ظهر فجأة فى تاريخ الانسانية وكانه فى نوع من التطور فى النظر
يعنى مثلا الازرق بيبقى اسمه ازرق برضو.. لكن اللون بيتغير على حسب الزمان والاشخاص
فبالتالى انت تشوف حاجة غير اللى بشوفها وتعجب بها وانا لاء مع احتفاظنا بنفس الاسم
!
عموما.... فترة التمانينيات هى فعلا من نفايات العالم
طب تصدق بإيه.. أنا كنت مقتنعة و أنا صغيرة إن الست الصينية بتاعت البسبوسة و فقرة السيرك اللي بتيجي بعدها هما اللي بيتكلم عليهم محمد صبحي في المسرحية بتوع كور و القف
3 December 2006
2 years 12 weeks
أنا الحقيقة كنت بحب Zamfir وأعتقد إنه كان عندى شريط خاص بيه
----
Rami Sedhom
http://ikhnaton2.com