دليل المفطصى للتعامل مع الشرطة و يهدأ بالك بعد كدة على طول

بلا أدنى شك، ده دليل غير كاف و غير واف و ممكن يذهب بك لما وراء الشمس و أنا غير مسؤول بأي حال من الأحوال عن ما سيحدئ لأي مواطن(ة) وهو بيتعامل معهم.

و لكن لاحظت أني في العادة محظوظ جدا و لم أقع في مشاكل مع الشرطة بالرغم من تعدد التجارب.

# المباحث تطلب بطاقتي علشان الصورة دي
بعد ما أخذت الصورة بالكاميرا جالي شاب طيزلابس فانلة عمرو دياب بشنب قالي كابتن ممنوع تصور الميكروباص .. ده مباحث!!!

- ميكروباص مباحث أزاي ده مكتوب علية الترامكو؟

- لأ ما دي حملة تبع المباحث

- وأنا بصور الجملة اللطيفة دي

- أكتبها في ورقة أنما تصوبرها غلط

و هنا أنفجرت في وشة مش فاكر قلت له أية بس تقرييا حاجة زي لو أنت حتى أمن دولة أنا مكسرتش أي قانون الخ.

عرفت أنه أمين شرطة و طلب مني البطاقة و كالعادة سلمت علية بالأيد بدل ما أطلع البطاقة و تركتة

1 - المواجهة

كل واحد هايقولك كلمهم بثقة و أتزان. لا، كلمهم و كأنهم موجودين علشان يحيوك. فقابلهم بأمتنان و سلم عليهم و أشكرهم و أسألهم أخبارهم أية و لو عاوزيين أي حاجة.

2 - سلام بالأيدي

يطلب البطاقة أو الرخصة، أعطية يدك و سلم علية و عرفة بنفسك و بعدين طلع البطاقة لوهو لسة مصمم. و لكن السلام باليد يكفي في معظم الأحوال.

3 - أبتسم

تف و أشخر بعد ما تمشي.

4- أنت عارف الصح من الغلط و القوانين

دي حقيقة لو أنت بتقراء المدونة دي يبقى غالبا أنت حصلت على قدر من التعليم أكبر من أي واحد منهم. و لذلك وضح لة أنك مكسرتش أي قانون. أستخدامك لكلمة قانون أقوى من أنك تقول أنا معملتش حاجة غلط.

5- تفلسف

شرحك لأي حاجة لازم يكون مرصع بالكلمات الفصحى و به شرح منظم و به مصادر. أي مصادر.

6- تفادي لفظي أنا و أنت

أستخدم سيادتي و سيادتك.

7- أفرد ظهرك

ظهرك لازم يكون مفرود و مشدود على الأخر. كأنك خشبة.

8- ممنوع اللمس

أهم شيئ، أعترض لو لمس كتفك أو شنطتك و و أطلب منه أنه ما يلمسش حاجة.

9- لو فقدت أعصابك ... اتنك

أتنك نيك و متزعقش و أقفش و أتبضن و مينفعش و ده مش أسلوب و أنت أزاي متتعاملش معايا زي ما علموك. غلط أنك تقول حاجات زي متقدرش و أنت عارف انت بتكلم مين و هواريلك إلخ..

10- أحكي عن الي حصل

أحكي و فضفض علشان متنبضنش و علشان تعرف تنسى.