أزمة البنزين
Warning! This post is very old and may contain information or opinions that are no longer valid or embarrassing.
في أزمة بنزين في البلد، لأني بركب عجلة لأغلب مشاويري ما عنديش مشكلة. عندي عربية بس مقنتع أن الدعم على البنزين للسيرات الملاكي هو اهدار لأموال الدولة على الغني اللي يقدر يشتري سيارة، اسعار البنزين لو أرتفعت الزحام هايقل.
توضيح: أنا باطالب رفع الدعم من على البنزين للملاكي، الأجره والنقل زي ما هو بالنسبة للسولار والبنزين
Yahia Shawkat
أنا بصيت فى الوضوع وهو أعقد من ما هو باين, ال100 مليار "دعم" مش كله دعم مالى، وعندى دراسة هابعتهالك علاميل بتشير إلى أن ما حدش خارج وزارة البترول يعرف إيه أسعار البترول (بتاعنا) المتعاقد عليها، والدليل دعمنا (دولة قليلة الإستهلاك 1500 ك.و.س./سنة) لدولة كثيفة الإستهلاك زى إسرائيل(4500 ك.و.س./سنة) وغالبا لو دورنا هانلاقى مثال لكده مع دول أخرى بصدرلها.
البعد الثانى هو أن إستهلاك الأفراد للطاقة فى التنقل (السيارات الخاصة) يستحوذ على 15% فقط من الدعم، طبعا هو مش ضرورى عادل قوى، بس لو حسبنا أن 10% من المصريين يملكون سيارة، يعنى حوالى 30 -40 % بيستفيدوا من السيارة دى لو بصنالها كأسرة ومش كفرد والدليل كم الناس اللى بتلجأ لبنزين 80
الحل فى إعادة هيكلة دعم الطاقة وتشجيع التحول إلى الغاز الطبيعى للسيارات والنقل العام، وتحويل أكبر قدر من نقل البضائع للسكة الحديد، وتكثيف الإستثمار فى النقل العام السطحى سواء أتوبيس أو ترام لان مترو الأنفاق كثيف إستهلاك الطاقة والموارد من حيث كميات الأسمنت المستخدم لعمل الأنفاق وإحنا عارفين قد إيه صناعة الأسمنت ملوثة وبيعض 10 سنين علشان يتبنى
ى