أنا: فالموضوع كله سببه حرف واحد على جين أسمة SLC24A5 ، فالأنسان الأفريقي مختلف عن الأوروبي من ناحية اللون بحرف واحد. حرف واحد عمل البلاوى الى في تاريخ البشرية و عبودية و حروب كلها طلع سببها حرف واحد.

أنا: من يومين أتنشر أن الجين ده موجود عند سمكة و مسؤول عن اللون بتاعها. و الجين ده فضل يتورث مع تطور البشر و أتغير حرف واحد منه عند الأوربيين. و مسؤول عن بتاع 60% من لون البشرة. (أنا كنت غلطان هو مسؤل عن 25%-38% من اللون).

الزميلة: مش دارون واز بروفن رونج. و أحنا مش أصلنا قرد ولا حاجة.

أنا: هه؟

الزميلة: أيوة دارون و التخاريف بتاعتة دى طلعت غلط.

أنا: هو فعلاً إحنا مش أصلنا قرد ولا حاجة... بس حضرتِك أنتِ أصلِك سمكة!

(كان نفسى أستعمل هذا الرد، ولكن جيناتي تسعى لإبقائي على قيد الحياة، على الأقل حتى أمررها لجيل أخر.)