الأسبوع الماضي دخلت فرد من أفراد أسرتي المستشفى، مش حاجة خطيرة لكن معاناة جامدة بسبب عدم استقرار الحالة كانت محتاجة لضبط الأدوية.

أنا طبيب نفسي وأشتغلت في مستشفيات نفسية وجسدية ف أعرف كتير عن أزاي المستشفيات بتشتغل، كمان أتكتب كتير عن التجربة المعكوسة لما يكون الطبيب هو المريض أو قريب المريض، لكن لأني تحديت نفسي بالكتابة أكثر هنا، عندي كلمتين عاوز أقولهم.

المستشفيات بتخلي الواحد يكرههم بشكل يخليك طول الوقت تحاول ما تمرض أبداً أو تعمل كل ال تقدر عليه علشان تخف بسرعة علشان ما تتعرض للعذابهم.

الأنتظار عذاب والإجراءات الإدارية أثناء الدخول والخروج عذاب والمرض نفسه عذاب والتفكير في المستقبل عذاب.

في المستشفيات النفسية الإجراءات بتاخد وقت والانتظار مؤلم للمريض وأهلة، لكن فيه بعض الأهتمام بالمريض واحتياجاته أثناء الدخول أكتر من المستشفيات الجسدية، لكن ده طبعاً نابع من القلق تجاه أن المريض في الأغلب داخل لأنه خطر على نفسه أو الآخرين.

محتاجين نبقى أحسن من كده.

التدوينة دي جزء من سلسلة تدوينات تحدي 150x150 — التدوينة 5 من 150